Dëshmitarët në Kosovë janë të pasigurt, prandaj po prodhohet Tribunali

Dëshmitarët e mbrojtur zakonisht janë kërcënuar, sulmuar dhe përndjekur. Një dëshmitarë i tillë është gjetur i vrarë në Gjermani. Ka edhe rast hetimor për zbulimin e identitetit të tyre në televizionin publik.

Pikërisht paaftësia e institucioneve kosovare të drejtësisë për të siguruar mbrojtje të mjaftueshme për dëshmitarët, sipas një burimi në Qeveri, ka bërë që evropianët të insistojnë më shumë të krijohet Tribunali ad hoc për të gjykuar pretendimet për krimet e kryera në Kosovë, të evidencuara në raportin e Dick Martit, shkruan kd.

Tre vjet më parë tek fliste për pretendimet e tij, Dick Marty kishte implikuar UÇK’në në krime të luftës. Madje ai kishte shprehur një brengë, se si të mbroheshin dëshmitarët. Besim nuk kishte në asnjërin mision ndërkombëtar të vendosura pas luftës në Kosovë, UNMIK dhe EULEX.