Transformimi i akullt i motrave Vjollca, çfarë kanë në plan këtë herë?
Jo vetëm Marina, por edhe Luana e ka gjetur veten prej kohësh te biondet, edhe pse ka eksperimentuar më flokët më shumë se motra e madhe. Por ky set i fundit fotografik i dy bukurosheve të ekranit nuk u ka transformuar vetëm flokët. Marina dhe Luana, këtë herë duken si princesha të bardha, të akullta e të zjarrta në të njëjtën kohë.
Në fotot e shpërndara në profilet e tyre në Instagram, nga një set i realizuar nga fotografi Artan Korenica, në Brezovicë, as Luana dhe as Marina nuk japin detaje për qëllimin e këtij seti, megjithatë kjo nuk i ka penguar aspak të marrin komplimente të panumërt nga fansat.
Më të ngjashme se kurrë më parë me njëra-tjetrën, Marina dhe Luana ia kanë dalë që edhe këtë herë të fitojnë vëmendjen maksimale të të gjithëve. Po ç’plan të fshihet pas këtyre fotove të ftohta?
