Nexhati Jakupi bën fushatë parazgjedhore në Manastir

Një nga risitë e këtyre zgjedhjeve parlamentare, është garimi i kandidatëve të Bashkimit Demokratik për Integrim në njësinë zgjedhore numër 4. Ky veprim politik i kësaj partie, nxjerr në pah ekzistencën e një komuniteti jo të vogël të shqiptarëve etnikë në pjesën e Maqedonisë juglindore, për të cilët opinioni ka qenë pak i njoftuar. 

Nexhati Jakupi, bartës i listës së kandidatëve për deputetë të BDI-së në njësinë zgjedhore numër katër, thotë se me këtë veprim synojnë që ta shtrijnë autoritetin në të gjitha skajet e vendit ku jeton qoftë edhe një shqiptar i vetëm.

 “Biseda që zhvilluam, takimet që patëm me banorët e këtyre vendbanimeve, sado pak që janë, mendoj se flasin shumë, flasin aq sa duhet, për arsyet pse BDI-ja del në zgjedhjet parlamentare, për të përfaqësuar këta njerëz me dinjitet, të cilët për fat të keq, me dekada të tëra kanë qenë harruar”, deklaroi Nexhati Jakupi, për Alsat M.