Jankullovska: Ivanov nuk i tha asnjëherë JO kësaj qeverie
Presidenti Gjorge Ivanov, gjithnjë a pasur mirëkuptim për politikat e Qeverisë dhe ai asnjëherë nuk i ka bllokuar projektet tona. Kështu sonte në Sveti Nikollë foli ministrja e punëve të brendshme Gordana Jankullovska duke lavdëruar kandidatin e VMRO-së për president, Ivanov.
Ndërkaq, kandidati për president Gjorge Ivanov tha se zhvillimi i ekonomisë dhe anëtarësimi në NATO do të jenë prioritet i tij për këtë mandat.
“Atë që e premtova para pesë viteve unë e realizova. Programi me të cilin dola para juve në vitin 2009 është i plotësuar. Kam realizuar edhe më shumë nga ajo që ka qenë e parashikuar. Kam punuar me përkushtim këto 5 vite. Kam pasur mbi 200 takime bilaterale me shefa të shteteve, mbi 150 takime me kryeministra, kryetarë parlamentesh dhe krye-diplomatë”, tha Ivanov.
Ai përmendi Qeverinë e cila e ka përkrahur atë në çdo cep.
“Ju ftoj të votoni për mua sepse janë paguar gjysmë milionë euro subvencione për bujqit, kanë ardhur 2 miliardë euro investime të huaja. Do të hapim vende të reja pune dhe së bashku do ti arrijmë qëllimet tona” tha mes tjerash Ivanov.