Kaosi në Kodrën e Diellit, kërkohet ndihma e autoriteteve
Afaristët dhe pronarët e shtëpizave në Kodrën e Diellit kanë realizuar një takim urgjent me përfaqësues të komunës së Tetovës, Policisë, Spitalit dhe ndërmarrjes shtetërore ELEM. Takimi është mbajtur pas tollovisë së shkaktuar vikendin e kaluar, me ç’rast janë kërkuar kushte më të mira infrastrukturore për këtë pikë turistike, raporton Alsat-M.
“Kemi probleme me komunikacionin, parkimin në ditët e vikendeve të shtunën dhe të dielën, dhe kërkojmë nga komuna e Tetovës që të bëjmë një zgjidhje të bëjë një plan për komunikacionin që të mund ta implementojmë urgjentisht. Kërkuam nga ELEM që të shtojë angazhimin e vet me stazat për rëshqitje, dhe disa probleme me shërbime komunale apo publike, në veçanti me ambulantën që duhet të jetë ditëve të vikendit”, tha afaristi Hajrulla Hasani.
