Dimovski: Vota për VMRO-DPMNE-në është votë për fabrika të reja, punësime dhe ristartim të gjigantëve industrial
Në katër vitet e fundit qëllimi i VMRO-DPMNE-së është të krijojë 70.000 vende të reja pune, tha sot në konferencën për shtyp në Veles Ilija Dimovski bartës i listës së kandidatëve në NjZ 3.
Ai banorëve të Velesit u porositi se vota e tyre më 11 dhjetor do të jetë votë për hapjen e fabrikave të reja, ristartimin e gjigantëve industrial të dikurshëm dhe krijimin e kushteve për punësime të reja.
Ai shtoi se VMRO-DPMNE tregoi se është struktura e vetme politike e cila për herë të parë pas njëzet viteve hap vende të reja pune. “Viteve të fundit, në Republikën e Maqedonisë në punë shkojnë 160.000 persona të rinj. Para se ta ndërmarrim përgjegjësinë për shtetin çdo ditë në punë kanë shkuar vetëm 560.000 njerëz, sot ajo shifër është 720.000 njerëz, me emër dhe mbiemër. Ajo është suksesi ynë më i madh”, tha Dimovski.