Muhamed Ali i gdhendur në pemën e arrës, skulptura që mahniti të gjithë
James O’Neal, një skulptor nga Amerika, ka bërë skulpturën e legjendës së boksit Muhamed Ali duke e gdhendur në një pemë të arrës.
Në fotografitë e publikuara në internet, skulptori ka treguar hap pas hapi punimin e skulpturës.
Skulptori filloi ta gdhendte Muhamed Alinë së pari nga këmbët dhe krahët, për të përafruar pozitën se si do të qëndronte ai, shkruan Gazeta Express.
Më pas, Muhamed Ali ngadalë filloi të dilte. Ai vazhdoi punën në fytyrë dhe kokë, punë kjo që mori disa javë për t’u përfunduar.
Pasi u dha formë dorëzave, ai vazhdoi t’i gdhendte krahët dhe trupin më shumë. Pastaj iu rregullua shpina me muskuj, iu bënë më shumë ndryshime në fytyrë dhe skulptura tashmë veçse filloi të dukej ngjashëm me Muhamed Alinë.
Dhe kështu pas 4 muajsh, skulptura e Muhamed Alisë u kompletua. Ajo do të paraqitet në Filadelfi më 2 dhjetor. Kjo është puna e tij, hap pas hapi.