Shkëndija merr ftesë për Kupën “Pavarësia”
Dita e 28 Nëntorit, edhe këtë vit do të mbledh skuadra nga trojet shqiptare. Në edicionin e tetë të Kupës “Pavarësia”, do të marrin pjesë skuadra “Otranto” e Ulqinit, “Shkëndija” e Tetovës, “Prishtina” dhe “Kukësi”, ka njoftuar Federata Shqiptare e Fubollit (FSHF).
“Ekipet do të grumbullohen më datë 27 nëntor në Resortin “Tropikal” në Durrës, ku në mbrëmje do të hidhet edhe shorti i aktivitetit. Gjysmëfinalet do të fillojnë, më datë 28 nëntor në orën 11.00, ndërsa ndeshja finale do të luhet rreth orës 12.30”, thuhet në njoftimin e FSHF-së.
“Për fituesit do të dorëzohet kupa e aktivitetit. Për të dy finalistët, do të shpërndahen medalje, ndërkohë që do të ketë edhe trofe për skuadrën “Fair Play”, për lojtarin më të mirë të Kupës “Pavarësia””, përfundon njoftimi.