Shpërthim i fuqishëm në Tetovë, katër të lënduar (FOTO)
Në një lagje të romëve përballë firmës “Ecolog” ne pjesën e lumit Shkumbin, rreth orës 16.30 minuta është dëgjuar një shpërthim i fuqishëm, ku si pasojë janë lënduar katër persona. Me ambulancë janë dërguar në klinikën në Shkup, dy vajza N.K dhe Sh.K 13 dhe 14 vjeçare dhe ende nuk dihet si është gjendja e tyre. Dy fëmijët tjerë më lehtë të lënduar u dërguan në spitalin e Tetovës dhe më pas u liruan në shtëpi.
Zëdhënësi i policisë së Tetovës, Marjan Josifovski, për Portalb, thotë se policia ishte në vend ngjarje, ndërsa sa të identifikohet mjeti i shpërthimit do të jep më shumë të dhëna.
Korrespodenti i Portalb, ne vend të ngjarjes, thotë se menjëherë pas shpërthimit, janë dëgjuar edhe ulërimat banorëve rom.
Sipas policisë, jozyrtarisht bëhet fjalë për një shpërthim të bombës së vjetër kineze.
