Irak: Nga sulmi vetëvrasës në një dasmë, 16 vetë të vrarë
Zyrtarët thonë se nga një sulm vetëvrasës me makinë bombë në një dasmë në Irak, janë vrarë së paku 16 vetë dhe plagosur më se 30 të tjerë.
Ky sulm i mbrëmshëm në provincën Anbar, në perëndim të kryeqytetit Bagdad, ishte i treti me radhë këtë javë, shkruan REL.
Askush nuk e ka marrë përgjegjësinë e menjëhershme për këtë sulm, megjithqë për valën e sulmeve të fundit vetëvrasëse në Irak janë fajësuar militantët e Shtetit Islamik.
