Obama nuk e përjashton thellimin e ndarjes në shoqëritë e zhvilluara
Shoqëritë në vendet e zhvilluara industriale do të vazhdojnë të jenë të ndara, deklaroi presidenti i SHBA-së, Barak Obama në intervistën për televizionin “A – Er – De”, e cila u publikua sot.
“Nëse ekonomia globale nuk reagon sipas disponimit të njerëzve, nëse ata ndjehen të lënë pas dore, nëse pabarazia vazhdon të thellohet, ndarja në vendet e zhvilluara industriale do të rritet”, theksoi Obama.
Obama foli edhe për rolin e kancelares gjermane, Angela Merkel në zhvillimin a partneritetit transatlantik.
“Ajo është shumë e sigurt, e gatshme të luftojë për vlerat. Gëzohem që ekziston dhe gjermanët duhet ta vlerësojnë. Në çdo rast unë e vlerësoj si partner”, theksoi presidenti i SHBA-së.