Kur hesht boemja
Gjithçka mund të ndodh
Kur hesht boemja
Ndodh të shuhen vullkane
Të teshtijë Marsi e Venera
T’i shtohet zjarrmia Diellit
Të çmendet e dashura e mendjes zemra
Kur hesht boemja
Pemët përpijnë idetë e piktorëve
Bëhen natyrë e vdekur në tryezë
E qentë e macet qeshen ndryshe
Lulet dialogojnë me shiun
Unë mund të lahem me dashurinë e saj
Për një sekondë
Kur hesht boemja
Kur qanë boemja
Unë bëhem bletë
T’ia thith lotin bilur
O kur hesht boemja
Gjithçka mund të ndodh
Autor: Fatos Rushiti