Maqedoni-Kosovë, probleme teknike për pranimin e stazhit
Pas nënshkrimit të marrëveshjes ndërkombëtare për shfrytëzimin e pensioneve të qytetarëve nga Maqedonia dhe Kosova dhe pas hyrjes në fuqi të së njëjtës janë paraqitur problem teknike në realizimin e saj.
Për këtë qëllim sot dhe nesër në Shkup qëndrojnë një grup punues nga Kosova. Sipas drejtorit të Fondit pensional Ivnalidor të Maqedonisë, Bekim Neziri shpresojnë se Brenda 30 ditëve këto probleme do të tejkalohen.
‘Me Kosovën, veç më është nënshkruar një marrëveshje ndërkombëtare për pranimin e stazhit të pensionit, kurse me Shqipërinë një gjë e tillë pritet të bëhet gjatë këtij viti. Maqedonia dhe Kosova pritet që brenda 30 ditëve të tejkalojnë problemet teknike të Marrëveshjes ndërkombëtare për shfrytëzimin e pensioneve të qytetarëve të këtyre vendeve’ tha ai.
Edhe nga pala kosovare janë të gatshëm për implementimin e një marrëveshje të tillë, kuptohet pasiqë grupi punues i ekspertëve do ti eliminojë problemet teknike, tha Sami Saliu drejtor departamentit te fondit pensional të Kosovës .
Me këtë Marrëveshje do të mundësohet realizimi i të drejtës së pensionit për shtetasit e Maqedonisë të cilët kanë kryer stazh pensional në Republikën e Kosovës deri më 31 dhjetor të vitit 1998, ndërsa ai që nuk ka 15 vite stazh pensional të përfunduar në Republikën e Maqedonisë dhe nuk munden ta realizojnë të drejtën e pensionit të moshës.
Në Fondin pensional invalidor të Maqedonisë prej nëntorit te vititit e kaluar kur ka hy në fuqi marrveshja janë paraqitur 16 kërkesa, kurse nga Pala Kosovare 38 kërkesa.
Në fondin pensional invalidor po ashtu ka qëndruar edhe një grup punes nga Fondi pensional i Shqipërisë për të shkëmbyer përvojat e ndërsjella dhe për të rezultuar me nje marrëveshje ndërkombëtare për shfrytëzimin e pensioneve të qytetareve nga Shqipëria dhe Maqedonia, tha Vjollca Braha drejtoresha e Fondit pensional të Shqipërisë./Portalb