OJQ “CIVIL me projekt kundër keqpërdorimit të drejtësisë sociale për qëllime zgjedhore
CIVIL-Qendra për Liri ka realizuar pilot-projektin ”Premtime dhe keqpërdorime”, i cili ka të bëjë me keqpërdorimin e drejtësisë sociale për qëllime politike dhe zgjedhore.
Qëllimi i projektit është të kontribuojë ndaj forcimit të vetëdijes publike për keqpërdorimin në domenin e temave sociale në kontekst zgjedhor, si dhe parandalimin nga praktikat manipuluese të qendrave politike të fuqisë. Projekti realizohet në bashkëpunim me Fondacionin Hajnrih Bell- zyra Sarajevë.
Ekipi i CIVIL ka realizuar video intervista me përfaqësues të partive politike, ekspertë, organizata qytetare dhe sindikata. Njëkohësisht, ekipi i CIVIL Media dhe ekipet vëzhguese vazhdojnë të hulumtojnë dhe të publikojnë përmbajtje mediatike të cilat kanë të bëjnë me keqpërdorimet elektorale, me përqëndrim në keqpërdorimet ndaj kategoritë e rrezikuara sociale të qytetareve dhe qytetarëve, blerje të votave dhe korrupsion politik dhe diskriminim.
Video intervistat dhe transkiptet e tyre në gjuhë maqedonase, shqipe dhe angleze do të publikohen në kanalet onlajn kanalet e CIVIL dhe do të jenë të lira për marrje, publikim dhe shfrytëzim. (Creative Commons 4,0) për të gjitha mediat e interesuara, palë të prekura dhe publikun më të gjërë.
CIVIL do të organizojë konferencë me temë “ Keqpërdorimi i drejtësisë sociale për qëllime zgjedhore”, të hënën, 31 tetor në Hotel City Park, me fillim në ora 12. Në konferencë do të prezantohet analizë e bazuar mbi gjetjet e ekipeve vëzhguese dhe të qëndrimeve të të intervistuarve. Të ftuar do të jenë pjesëmarrësit në projektin, sindikatat, partitë, organizatat qytetare dhe publiku më i gjerë.