Kroacia pret nëntë miliardë euro të ardhura nga turizmi

Kroacia pret që këtë vit të ardhurat e saj nga turizmi të arrijnë rekord nëntë miliardë euro, publikoi televizioni shtetëror HRT.

Këtë sot e deklaroi ministri kroat i Turizmit Gari Kapeli në kuadër të Ditëve të turizmit kroat në ishullin Braç, ku janë ndarë më shumë çmime.

Për destinacion më të mirë urban të turizmit është shpallur Dubrovnik, si turizëm më të mirë rural është shpallur rajoni Konavle, Poreçi e fitoi çmimin për pushimore më të mirë, ndërsa Komixha në ishullin Vis e fitoi titullin si destinacion më i mirë bregdetar.