Mexhiti i nderuar nga ‘Sofra Gjakovare’
Sot në Komunën e Çairit kreu i kësaj komune takoi drejtuesit dhe anëtarët e shoqatës ”Sofra Gjakovare” në Shkup.
U bisedua për idenë për binjakëzim të mundshëm në mes të Komunës së Çairit dhe asaj të Gjakovës, sikur kishte iniciuar vit më parë binjakëzimin e Çairit me Bashkinë e Shkodrës.
Komuna e Çairit ka mbështetur çdo aktivitet të organizuar nga kjo shoqatë e cila synon ruajtjen dhe kultivimin e traditës gjakovare. Në Shkup janë diku 100 familje me prejardhje gjakovare.
”Sofra Gjakovare” kryesisht veprimtarinë e saj e zhvillon në Shkup respektivisht në Komunën e Çairit, përfaqësuesit e kësaj shoqate i ndanë dhuratë Mexhitit në shenjë falënderimi dhe mirënjohjeje.