Botërori 2018, Maqedonia pëson disfatë nga Italia
Në stadiumin “Arena Filipi i Dytë” në Shkup përfaqësuesja e Maqedonisë pësoi disfatë nga përfaqësuesja e Italisë në xhiron e tretë të kualifikimeve për Botërorin 2018. Rezultati përfundimtara ishte 3:2 në të mirë të Italisë, raporton Anadolu Agency (AA).
Pjesa e parë u mbyll me golin e Andrea Belotti në minutën e 24 me të cilin Italia kaloi në epërsi.
Pjesa e dytë e ndeshjes Maqedoni-Itali dhuroi spektakël të vërtetë për shikuesit pasi u shënuan edhe katër gola nga dy skuadrat.
Përfaqësuesja e Maqedonisë barazoi me golin e Stefan Spirovskit në minutën e 53-të. Vetëm pas katër minutash Maqedonia kaloi në epërsi me golin e Ferhat Hasanit.
Mirëpo, italianët me dy golat e Ciro Immobile në minutat e 75 dhe 90 sollën fitoren dhe tre pikët për Italinë.
Kjo ishte disfata e tretë pë vendasit në kualifikimet për Botërorin 2018, pas humbjeve nga Shqipëria dhe Izraeli. Maqedonia në renditjen tabelare gjendet në vendin e pestë pa asnjë pikë.
