Francë, protesta për shkak të zhvendosjes së emigrantëve nga kampi në Calais
Banorët në disa fshatra dhe qyteza franceze kanë protestuar sot kundër shpërndarjes së emigrantëve anembanë vendit, pasi autoritetet e shtetit vendosën të mbyllin kampin në Calais, raporton Anadolu Agency (AA).
Në juglindje të Francës janë mbajtur tre protesta, në njërën prej të cilave, kryetari i komunës bashkë me rreth 100 protestues kundërshtuan planet qeveritare për vendosjen e emigrantëve në një pjesë të braktisur të spitalit psikiatrik, për aq kohë sa përpunohet kërkesa e tyre për azil.
Nga ana tjetër, lëvizje majtistësh mbajtën protesta në shenjë mirëseardhjeje për emigrantët.
Partia djathtiste, Fronti Nacional ka paralajmëruar mbajtjen e një proteste antiemigratore. Përfaqësuesit e tyre sot morën pjesë në protestën në Forges-les-Bains në jug të Parisit, ku së fundmi jane vendosur rreth 40 emigrantët nga Afganistani, të cilët ishin më parë në kampin në Calais.
Autoritetet franceze planifikojnë që në javët e ardhshme të mbyllin tërësisht kampin në Calais