Kosovë, udhëtimet e deputetëve i kushtuan Kuvendit 110 mijë euro

Deputetët e Kuvendit të Kosovës gjatë sesionit pranveror kanë qenë mjaft aktiv sa i përket udhëtimeve jashtë vendit, duke realizuar 128 sish.

Këto udhëtime i kanë kushtuar buxhetit të Kuvendit rreth 110 mijë euro.

Këto të dhëna u bën publike nga Instituti Demokratik i Kosovës pas publikimit të raportit të rregullt të monitorimit të punës së parlamentit për këtë sesion.

Në këtë raport poashtu thuhet se edhe shpenzimet e Kuvendit, ndonëse me vonesë, janë publikuar në mënyrë më të detajuar.

“Qasja në dokumente publike është mjaftë e kënaqshme. Mbledhjet e Kryesisë dhe të trupave të tjerë të Kuvendit janë të hapura”, theksohet në këtë dokument, transmeton Klan Kosova.