Presidenti afgan nënshkruan marrëveshjen e paqes me grupin militant

Presidenti i Afganistanit, Ashraf Ghani, nënshkroi marrëveshjen për paqe me liderin e grupit militant Hezb-e Islami, Gulbuddin Hekmatyar, shkruan REL.

Ghani u zotua se do të lobojë te Shtetet e Bashkuara dhe Kombet e Bashkuara për ta hequr Hekmatyarin nga lista e zezë e terroristëve.

Hekmatyar e nënshkroi marrëveshjen përmes një video-lidhjeje në pallatin presidencial të Kabulit.

Kjo është marrëveshja e parë për paqe që ka nënshkruar Qeveria e Afganistanit prejse ka nisur lufta me talibanët në vitin 2001.

Ajo është mirëpritur edhe nga komuniteti ndërkombëtar, i cili e ka parë si mostër të mundshme për marrëveshje paqeje me talibanët, të cilët luftojnë për rrëzimin e Qeverisë në Kabul që 15 vjet.

Pasi t’i hiqen sanksionet ndërkombëtare, Hekmatyar pritet të kthehet në Afganistan pas 20 vjetësh në mërgim.

Ai besohet se jeton në Pakistan.

Lajme të ngjashme

Leave a Reply

Your email address will not be published. Required fields are marked *

Back to top button