fbpx

Rikthehen në bankat shkollore

Pas tre javësh pushim dimëror, sot rreth 280 mijë nxënës do t’u rikthehen bankave shkollore. Ajo që të bie në sy në këtë gjysmë-vjetor, krahasuar me vitet e kaluara është testimi ekstern i 20 mijë maturantëve që pritet të mbahet më 22 dhe 24 janar. Maturantët do të testohen në dy lëndë.

Nga Ministria e Arsimit presin që ky testim të realizohet me sukses, duke pasur parasysh përgatitjet e bëra me kohë, si publikimi i pyetjeve dhe koha e nevojshme për vërejtje. Nga  gjithsej 720 vërejtje të bëra nga ana e nxënësve, mësimdhënësve dhe prindërve, prej tyre janë pranuar 151. 

“Përgatitjet janë në nivelin më se të duhur. Faktikisht jemi munduar dhe i kemi tejkaluar të gjitha ato probleme të cilat kanë qenë evidente në vlerësimin e vitit të kaluar dhe besoj që tash ky vit do të jetë më i suksesshëm sa i përket testimit ekstern”, u shpreh Safet Neziri, Zv/Ministër i Arsimit.

Maturantët në fund të vitit pritet t’i nënshtrohen edhe maturës shtetërore ndërsa nxënësit nga klasa e tretë deri në vitin e tretë të shkollës së mesme, do t’i nënshtrohen testimit ekstern në fund të vitit. Akoma nuk ka të dhëna se sa mësimdhënës devijuan nga vlerësimi real i bazuar në testimin ekstern që u realizua vitin e kaluar.

Lajme të ngjashme

Back to top button