Pas skandalit, pendohet Laura

Zëdhënësja e Partisë Demokratike, Laura Vorpsi ka korrigjuar gabimin e bërë gjatë emisionin “Opinion”, ku tha se, “jabanxhinjtë duhet të hyjnë me vizë në Tiranë”.

Vajza seksi e PD-së shprehet se gjitha është një keqkuptim, duke shtuar se “Tirana është e të gjithë shqiptarëve”.

Në këtë pikë ajo tregon edhe origjinën e nënës së saj, që është nga Kosova.

“Ditët e fundit është spekulluar shumë mbi një batutë timen në emisionin opinion. Nuk kam dashur të bëhem pjesë e këtij debati të nxitur nga njerëz të caktuar që kërkojnë të keqinterpretojnë gjithçka dhe të hedhin baltë mbi gjithkënd. Po meqë ky debat është keqinterpretuar shumë ditët e fundit, po ju them se në asnjë rast dhe për asnjë moment nuk kam dashur të fyej asnjë njeri që ka zgjedhur Tiranën, kryeqytetin e Shqipërisë, të ndërtojë jetën e tij dhe të fëmijëve të tij. Tirana është e të gjithë Shqiptarëve kudo ku ata jetojnë”, shkruan ajo në Facebook.

“Ashtu siç ishte dhe e nënës time e cila e ardhur nga Kosova ndërtoi jetën e saj ne këtë qytet. Nëse dikush ka mbetur sado pak i prekur nga ai emision unë i kërkoj ndjesë pasi nuk kisha asnjë qëllim tendencioz. Përkundrazi unë jam e lumtur për miqtë dhe bashkëpunëtoret e mi që vijnë nga qytete të ndryshme të Shqipërisë sikundër jam po aq krenare për nënën time nga Kosova sa dhe për babin tim nga Tirana!”