Koalicioni shqiptar “Me një qëllim” në Mal të Zi ka dorëzuar listën
Koalicioni Shqiptar “Me një qellim”, është emri i listës me të cilën në zgjedhjet e ardhshme parlamentare do të marrë pjesë Partia Demokratike (PD), Iniciativa Qytetare (IQ), Lidhja Demokratike në Mal të Zi dhe Lëvizja qytetare “Perspektiva”, transmetojnë Ul-info dhe Malësia.org.
Drejtuesit e këtij koalicioni kanë dorëzuar në Komisionin Shtetëror Zgjedhor për verifikim listën me nënshkrimet e grumbulluara.
Në krye të kësaj liste do të jetë ish ministri në Qeverinë malazeze dhe kryekomunari i Ulqinit, Gëzim Hajdinaga, i dyti lideri i PD-së Fatmir Gjeka, gjersa në pozicion të tretë do të jetë Vasel Sinishtaj nga IQ.
