fbpx

Ancelotti e pranon: Gabuam me Ozilin

Trajneri i Realit të Madridit, Carlo Ancelotti me ne fund pranon se është penduar që la të largohej mesfushorin gjerman Mesut Ozil. Në një intervistë të tij tekniku Italian deklaroi se transferimi I Ozil në verën e vitit të kaluar nga Reali te Arsenali për vlerën e 45 milon eurove, ishte ndoshta një gabim i tij dhe i drejtuesve të klubit madrilen.

“Besoj së bëmë një gabim shumë të rëndë që e lamë Ozilin të largohej. Ai e ndihmonte shumë skuadrën dhe është një futbollist me talent të madh”.

Në vijim Ancelloti foli edhe për dyshen e Realit, Ronaldo dhe Bale.

“ Cristiano është futbollisti jonë më cilësor. Bale akoma ka disa vështirësi me përshtatjen por shumë shpejtë do të japë maksimumin e tij.”

Më tej ish tekniku i Paris Saint Germain dha një koment sesi i menaxhon ai futbollistët te Los Blancos.

“ Nuk ka asnjë formulë magjike për të menaxhuar yjet. Filozofia ime është e thjeshtë; I respektoj si profesionistë që janë dhe shpresoj që edhe ata të më respektojnë mua”.

Ancelotti foli edhe për ndryshimin që ka midis kampionatit francez dhe atij spanjoll.

“ Të dy ligat bëjnë pjesë në shkolla të ndryshme futbolli. Kampionati francez është më shumë fizik , ndërsa në atë spanjoll zhvillohet një futboll i bukur i cili e ka bërë atë Ligën më poullore në Botë.”

Në fund të intervistës tekniku Italian dha mendimin e tij edhe për favoritët për fitimin e Kupës së Botës Brazil 2014 .

“ Mendoj se Brazili dhe Spanja janë një hap përpara, por edhe ekipet e tjera mund ta fitojnë kompeticionin. Italia për momentin nuk ka një skuadër shumë të fortë, por për vetë historinë që kemi në Kupën e Botës ne mund të zhvillojmë një turne të mirë në Brazil.”

Lajme të ngjashme

Back to top button