Hasanbeg, ja sa familje do të kompensohen
Komisioni për vlerësimin e dëmeve ka përfunduar listën për dëmet materiale. Sipas kryetarit të këtij komisioni Ejup Alimi numri i familjeve të dëmtuara që do të kompensohen është 4693, transmeton Alsat-M.
Në një bisedë telefonike për Alsat, Alimi njoftoi se lista është dërguar në ministrinë e Financave , institucion ky që duhet të kryejë kompensimin.
Ndërkohë, në terren shumë banorë po përballen me problemin e xhirollogarisë për shkak të borxheve që kanë dhe nuk po arrijnë të marrin paradhënien e qeverisë prej 500 euro.