Tenton të hidhet nga kati i 5-të, ndalohet nga policia (FOTO)
Një person ka tentuar të hidhet nga kati i pestë i një pallati mëngjesin e sotëm, por është ndaluar nga policia. Ngjarja ka ndodhur në Lagjen 5 të qytetit bregdetar.
Forcat e shumta kanë mbërritur në vendin e ngjarjes, shoqëruar edhe nga zjarrfikëset, për të bindur personin të heqë dorë nga akti i vetëflijimit.
Ndërkohë, pas negociatave të shumta kanë ndërhyrë forcat speciale, të cilat kanë neutralizuar personin, të cilin e kanë shoqëruar në polici.
Nuk dihen ende arsyet të cilat e çuan personin të tentonte vetëvrasjen, ndërkohë që ai do të merret në pyetje nga efektivat e policisë për të zbardhur edhe motivet./ Shekulli