Lustrohen edhe shtatë persona
Komisioni për verifikimin e fakteve në seancën e sotme shpalli shtatë persona për shkelës të të drejtave dhe lirive të njeriut për shkaqe ideologjike politike lidhur me lëndën e Metodija Andonov Çento, kryetari i parë i KAÇKM-it.
Sipas informatave nga Komisioni, bëhet fjalë për persona zyrtarë të OMP, dy prokurorë publikë prej të cilëve njëri ka qenë prokuror publik i Maqedonisë dhe dy bashkëpunëtorë të ish shërbimit sekret. Njëri prej këtyre personave është i gjallë, sipas informacioneve që komisioni për lustrim i ka marrë nga Drejtoria për mbajtjen e librave amë.
Me gjashtë ish gjykatësit, deri tani për lëndën e Metodija Andonov-Çento janë lustruar 13 persona. Komisioni për lustrim lidhur me rastin Çento kryen kontrolle shtesë të shumë personave.
Gjykata Administrative, megjithatë, para festave të fundvitit siç deklaroi për MIA, zëdhënësi i Komisionit Predrag Dimitrovski, ka konfirmuar edhe gjashtë vendime të komisionit për lustrim.
Me këtë numri i përgjithshëm i vendimeve të konfirmuara të Komisioni është shtatë. Lubomir Fishiq, ish bartës i funksionit publik, këshilltar i sekretarit republikan për punë të brendshme, u lustrua për dhënie të informatave për një person të “përpunuar” nga shërbimet sekrete nën pseudonimin “Xveçarka”.
I dyti është Sllave Rajovski , i cili ishte kandidat për këshilltar në komunën e Çuçer Sandevës në zgjedhjet e fundit lokale, ndërsa figuron si bashkëpunëtor i shërbimeve sekrete nën pseudonimin “Teolog” dhe ka punuar me personat lidhur me radikalizmin serb, pastaj Milovan Stefanovskui, shkrimtar si ish anëtarë i Këshillit për radiodifuzion, bashkëpunëtorë nën pseudonimin “Prever”, i cili ka dhënë informacione për personat nga kultura si Mihail Renxhov, Atanas Vangelov, Simon Drakula, Gane Todorovski, Bozhion Pavloski.
Isak Ajrulli, ish këshilltar i komunës së Bogovinjës, bashkëpunëtor i shërbimeve sekretet nën pseudonimin “Zenit”, i angazhuar për persona të dyshuar për paraqitje të nacionalizmit dhe iredentizmit shqiptar, Zoran Jovanovski, ish këshilltarë në Komunën e Rosomanit, i cili ka punuar nën pseudonimin “Referent” dhe ka qenë i angazhuar për persona të dyshuar për nacionalizëm serb dhe radikalizëm dhe Fereduin Miftari, zëvendës drejtor i Burgut të Shkupit i cili ka panur nën pseudonimin “Koreograf”.
Kryetari i komisionit për lustrim Tome Axhiev të mërkurën, kur është dita e fundit e punës së kësaj përbërje të Komisionit, do të mbajë konferencë për shtyp në të cilën do të japë raport për punën e bërë në pesë vitet e fundit.