fbpx

Veseli: Sulmi mbi RTK-në, sulm serik kriminal i kohëve të fundit

Kryetari i Kuvendit të Kosovës, Kadri Veseli, ka reaguar ndaj sulmit të së hënës mbrëma në objektin e transmetuesit publik RTK-së.

Në një postim në rrjetin social Facebook, Veseli ka shkruar se sulmi mbi RTK-në është një veprim kriminal i ngjashëm me ato që ndodhën në objektin e Kuvendit dhe vendosja e bombës në shtëpinë e Murat Mehës, kryetarit të Komisionit Shtetëror të demarkacionit.

“Hedhja e mjetit shpërthyes mbi Radio Televizionin e Kosovës, përbën një veprim kriminal që në vazhdën e veprimeve të ngjashme të kohëve të fundit, synon të cenojë rendin publik, sigurinë e qytetarëve dhe zyrtarëve të institucioneve publike”, ka shkruar Veseli.

“Ne jemi shtet demokratike dhe nuk mund të lejojmë asnjëherë që dhuna dhe metodat e frikësimit të ndikojnë në lirinë e mediave, agjendën shtetërore dhe debatin politik”. /Koha.net

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close