Rritet numri i azilkërkuesve në Gjermani, përfshirë edhe ato të Maqedonisë

Edhe pse zëvendës kryeministri për euro-integrime Fatmir Besimi thotë se nuk ka rrezik nga rikthimi i vizave, shifrat tregojnë të kundërtën.

Mekanizmi për pezullimin e regjimit pa viza u vëndosën që të parandalojnë rritjen e fluksit të azilkërkuesve në një vend anëtar në Bashkimin Evropian.

Shifrat tregojnë se kjo po ndodh në Gjermani ku numri i azilkërkuesve në vitin 2013, ka shënuar rritje prej 64%, duke arritur shifrën prej 127 023, që është më e larta në 14 vitet e fundit, ka njoftuar dje Ministria e brendshme e këtij vendi.

Vendet kryesore të origjinës janë Serbia, Rusia, Siria, Maqedonia, Afganistani, Bosnja, Kosova, Irani, Pakistani dhe Iraku.

“Krahasuar me vendet e tjera të BE-së, Gjermania e ka bindshëm numrin më të madh të azilkërkuesve në vitin 2013”, tha ministri i brendshëm i Gjermanisë, Thomas de Maizere. Sipas tij, vetëm 14% e kërkesave për azil janë miratuar.

Në Gjermani po shtohen pakënaqësitë lidhur me të drejtat e imigrantëve të rinjë, e veçanërisht të atyre nga shtetet anëtare të BE-së, Rumania dhe Bullgaria, që pretendojnë përfitime për mirëqenie sociale.

Shumë gjermanë janë, poashtu, të frustruar se ata kishin qenë të ngarkuar për pjesën më të madhe të faturës për krizën e euros, raporton agjencia Reuters. /Portalb

Lajme të ngjashme

Back to top button