?Kuvendi u politizua në rastin e PTK’së

Mosshitja e PTK-së nuk i shkakton probleme në planifikimet buxhetore, por vlerëson se kjo ishte çështje politike nga ana e Kuvendit.

Megjithëkëtë, thotë, se autostrada Prishtinë – Hani Elezit, do ndërtohet.

Kështu në një intervistë për KosovaPress, Ministri i Financave, Besim Beqaj, pranon se në vitin 2013 kanë rënë të hyrat nga Dogana dhe ka një ngritje të lehtë tek të hyrat e ATK-së.

Madje, pranon se këtë vit ka më pak buxhet të ndarë për investime kapitale.

Beqaj bënë me dije se në këtë vit që sapo kemi hyrë do të ketë rritje pagash dhe për këtë janë 50 milionë euro më shumë, kjo për sektorin publik.

Ndërtimi i autostradës në drejtim të Shkupit thotë se nuk është varur as nuk varet nga shtija e PTK-së.

Procesi deri në shpallje të fituesit është proces komplet në harmoni me bazat ligjore dhe me transparencë të plotë, ndërkohë, ka pasur prononcime brenda përbrenda Parlamentit se është apo nuk është pjesë ligjore a jo në ligjin e buxhetit dhe ne kemi rekomanduar Qeverisë që ta dërgojë edhe njëherë në Kuvend, jo për të marrë aprovimin, por për të pas transparencë dhe të diskutohet për to, meqë Kuvendi dështoi për ta aprovuar, neve na e bënë të pamundur si KQP… Mendoj se është çështje politike, kryekëput politike… Parlamentit në përgjithësi ka mundur ta trajtojë raportin, ka mundur të votojë për ose kundër, ka mundur të votojë edhe Komisionin Hetimor dhe të hiqen të gjitha dilemat ka pasur ose jo shkelje, por ishte një neglizhencë totale”, thotë ai.

Deficiti i përgjithshëm këtë vit planifikon të përfundojë diku me 3.3%, që e konsideron situatë më e mirë se që kanë parashikuar.

Beqaj thotë se buxheti i këtij viti dallon shumë nga ai të kaluarit, ngase është i bazuar në rregullën fiskale, e kjo e fundit nuk lejon të shkohet me deficit buxhetor mbi 2.5%.

Dogana ka pasur rënie të të hyrave, ndërsa ATK-ja ngritje, e këtë Beqaj e konsideron të arritur.

Doganat këtë vit kanë një rënie të lehtë dhe i adresohen tri elementeve, një që kemi rënie të sasisë së importeve, kemi rënie të çmimeve ndërkombëtare, që të dyja çojnë drejt rënies së të hyrave në Dogana dhe, elementi i tretë është se kemi aktivitet më të fuqishëm në brendi të vendit, i cili ka mundësuar që të rriten eksportet, të hyrat nga ATK-ja se që është paraparë dhe është një lajm i mirë. Ju e dini sa është diskutuar që të ndryshohet trendi i të hyrave nga doganë në brendi të të hyrave që janë brenda vendit, ndërsa nga ATK-ja për dallim viti i kaluar për 8% ndërsa kemi biplane 1%. Ndërsa, tek Dogana kemi atë rënie që nëse e lidhim me eksportet që janë bërë në 2013 e që janë më të mëdha për 55 milionë euro, nënkupton që importi, përveç që ka mangësi në sasi dhe çmime, ka edhe mangësi që po prodhohet në vend”, thotë ai.

Kur flet për rritjen ekonomike, këtë vit do të arrin 4% dhe, megjithëkëtë, pranon se nuk është e mjaftueshme, por që po punojnë për hapësirë për investime të huaja, për krijim të vendeve të reja të punës dhe të tjera.

Beqaj pranon se këtë vit buxheti është më i vogël për investime kapitale.

Një pjesë e mirë e buxhetit do të shkojë në investime kapitale, investimet kapitale në raport me vitin 2013, vitin 2014 kanë një rënie të lehtë për shkak se ne kemi përfunduar një projekt të madhë e nuk është më projekti i ‘rrugës së kombit’ dhe do të ishte jologjike me pas investime kapitale aq të mëdha sërish. Ne besojmë për një periudhë të caktuar do të përfundojnë projektet e mëdha në infrastrukturë dhe edhe do të shkojmë drejt stabizilimit të investimeve kapitale edhe më tutje Kosova mbetet njëra nga vendet e para në rajon për përqindjen në investime kapitale, kemi mbi 33% të buxhetit të Kosovës që shkon në investime kapitale që është më e larta në rajon, pjesa tjetër shkon tek skemat e ndryshme sociale”, thotë ai.

Thotë se pse është rritur përqindja për skemat sociale nuk do të thotë se jemi varfëruar.

Beqaj tregon se këtë vit do rriten edhe pagat dhe për këtë kanë 55 milionë euro më shumë.

Thotë se këtë vit janë 7 milionë më shumë për në fushën e shëndetësisë, ndërsa 25 milionë dollarë të tjerë për reformën në këtë sektor.

Shpjegon që vetëm nga produktet bujqësore, këtë vit, për shkak të heqjes së TVSH do të jenë edhe 5 milionë më pak të hyra, por nuk e ka problem, meqë vlerëson se kanë bërë përllogaritje të tjera.

Disa nga sfidat që kishte dhe ka ende, Beqaj thotë se është luftimi i ekonomisë joformale, fillimi i reformave në Doganën e Kosovës, strukturimi i Administratës së ATK-së, heqja e TVSH-së, e ndër të tjera edhe që lista e pagave të kalojë nga Mministria e Administratës tek ajo e Financave, duke përcjell çdo pagesë në mënyrë të drejtpërdrejtë.

– See more at: http://www.kosovapress.com/sq/nacionale/kuvendi-u-politizua-ne-rastin-e-ptkse-8737/#sthash.rBi83eWe.dpuf