Maqedoni, lirohet çmimi i ngrohjes qendrore

Ngrohja qendrore prej 1 gushtit do të lirohet, vendosi Komisioni Rregullator për Energjetikë (KRRE).

Siç kumtoi sot kryetari i KRRE-­së Dimitar Petrov, çmimi i furnizuesit më të madh BEG zvogëlohet për 10,93  përqind, të Shkup­Veri për katër  përqind, të ELEM Energjetikë te shfrytëzuesit të cilët kanë matës për 11,59  përqind, ndërsa te ata që paguajnë për një metër katror për 9,5  përqind. Shfrytëzuesit e shkyqyr të ngrohjes qendrore kanë fatura më të ulta për 2,67  përqind, respektivisht në vend të 546 denarë si deri tani, do të paguajnë 532 denarë.

“Çmimi në mënyrë drastike i gazit natyror dhe harxhimet e zvogëluara operative të kompanive janë shkaqet kyçe për lirimin e ngrohjes qendrore”, tha Petrov. Sipas llogarive, me zvogëlimin e tanishëm të çmimit, llogaritë për ngrohje qendrore për një banesë prej 50 metra katrorë janë 20.815 denarë në nivel vjetor, në vend të 23.638 denarë. Kryetari i KRRE­së informoi se barazimi i llogarive më nuk do të jetë dy herë bnë vit, por vetëm një herë në maj, qershor dhe korrik. Më nuk do të ketë barazim në dhjetor.