Pallati presidencial në Turqi do të mbrohet me sisteme antiraketore

Sistemet për mbrojtje antiraketore do ta sigurojnë pallatin presidencial në Ankara, i cili në tentimin për grusht shtet më 15 korrik ishte cak i aeroplanëve dhe helikopterëve të pjesëmarrësve në grusht shtet, deklaroi zëdhënësi i presidentit, Ibrahim Kalin.

Ai theksoi se janë ndërmarrë masa kundër sulmit ajror jo vetëm mbi pallatin, por edhe mbi ndërtesat e Këshillit ministror dhe të Parlamentit.

Kalin theksoi se pallati i presidentit Rexhep Taip Erdogan është vend mjaft i sigurt, por shtoi se “janë ndërmarrë të gjitha masat e domosdoshme me aeroplanë dhe helikopterë”.