Bisedimet për aderim të Maqedonisë në BE, pas zgjedhjeve
Raundi i ri në kuadër të bisedimeve të nivelit të lartë aderues mes BE-se dhe Maqedonisë të zhvillohet pas formimit të Qeverisë së re. Kështu kanë rënë dakord në takimin e sotëm Komisionari Fyle dhe dy bashkëbiseduesit e tij, zv/kryeministri për çështje evropiane Fatmir Besimi dhe Nikolla Poposki.
Agjenda e këtyre bisedimeve, siç njoftojnë nga kabineti i Fyles, do të përfshijë më pak çështje nga raundet paraprake. Ndërkaq theksi të do të vendoset në sfidat konkrete me qëllim që rezultatet e arritura të mund të avancojnë rrugën e aderimit.
Në takim Komisionari Fyle gjithashtu ka diskutuar për zbatimin e marrëveshjes politike të 1 marsit, si dhe reformat kyçe përfshirë, lirinë e mediave, pavarësinë e gjyqësorit, zbatimin e Kodit zgjedhor sikurse marrëdhëniet e mira ndër-fqinjësore.
Fyle ka theksuar pritshmërinë se zgjedhjet do të zhvillohen në përputhje me kornizën e rishikuar të kodit zgjedhore, se do të jenë të lira dhe korrekte, dhe se të gjitha partitë dhe qytetarët do të shfrytëzojnë një fjalor të matur politik.