Çfarë dihet dhe çfarë nuk dihet për sulmet në Munih

Munihu është në gjendje alarmante, pasi që një person ka gjuajtur me armë në një qendër tregtare, duke vrarë të paktën 9 persona dhe duke lënduar shumë të tjerë.

LEXO: Sulmi në Gjermani, në këtë link shikoni drejtpërsëdrejti çfarë ndodh

Çfarë dimë deri tash

-Të paktën 9 persona kanë vdekur dhe shumë të tjerë janë lënduar deri tani nga ky sulm. Policia po i referohet si sulm terrorist;

-Në orën 18:52 ka pasur të shtëna në një McDonald’s, pranë Qendrës Tregtare Olympia, në veri të kryeqytetit të Bavarisë;

-Një video që po qarkullon në internet shfaq gjuajtësin në parkingun në çati të qendrës tregtare;

-Një operacion i madh policor po ndodh në qytet. Policia thotë se është në ndjekje të tri personave të armatosur, që janë në arrati. Deri më tash, nuk ka të arrestuar;

-Policia thotë se të gjithë klientët tashmë janë larguar nga qendra tregtare;

-Qeveria gjermane ka krijuar një grup në përgjigje të krizës;

-Banorët e zonës janë këshilluar që të qëndrojnë në shtëpi, të i ikin vendeve publike dhe të ndezin televizionet dhe radiot e tyre;

-Stacionet e treneve dhe të transportit nëntokësor janë mbyllur për shkaqe sigurie, transmeton lajmi.net. Ngasësit e veturave janë këshilluar që të mos i përdorin autostradat, në mënyrë që policia dhe ambulanca ta kenë më të lehtë qarkullimin;

-Spitalet në Munich janë në gjendje emergjente gatishmërie;

-Policia nuk ka arritur që të konfirmojë raportimet për të paktën edhe 2 raste të tjera me të shtëna në qytet.

Çfarë nuk dimë deri tash

-Askush nuk e ka marrë përgjegjësinë për sulmin dhe akoma nuk dihen motivet e sulmuesit;

-Akoma nuk është e qartë se sa sulmues kanë marrë pjesë në sulme dhe nëse sulmet kanë qenë të koordinuara e planifikuara më parë.