fbpx

Kush janë emrat e kandidatëve që do të garojnë për president?

Sot Komisioni Shtetëror zgjedhor do ta debatojë për afatet për ekzekutim të veprimeve zgjedhore për realizim të zgjedhjeve për president të Republikës së Maqedonisë..

Do të bëhet e ditur edhe deri kur partitë do të duhet të dorëzojnë emrat e kandidatëve të tyre të cilët do të garojnë në zgjedhjet për shef të shtetit. 

Saktësisht do të dihet edhe kur, kandidatët e pavarur, duhet të dorëzojnë nënshkrimet e grumbulluara, por do të dihen edhe rregullat e lojës për mediat.

Deri më tani asnjë parti as ajo në Qeveria as ajo opozitare por edhe ato shqiptare nuk kanë bërë të ditur emrat e kandidatëve që do të garojnë për president. Vetëm tre persona kanë folur publikisht se do të dëshironin që më 13 prill të gjenden në listën zgjedhore për zgjedhjen e presidentit.

Stojançe Angelov nga Dinjiteti, Jove Kekenovski, dhe Biljana Vankovska si kandidate e pavarur.

Si kandidat të mundshëm për opozitën maqedonase flitet emri i Stevo Pendarovskit.

Edhe partia në qeveri e Nikolla Gruevskit nuk ka bërë të ditur ndonjë emër por flitet se mund të kandidoj sërish Gjorge Ivanov, edhe pse flitet shumë në publik edhe për Zoran Stavrevskin, ministër i financave, si kandidat të mundshëm. 

BDI vazhdon me kërkesën për një kandidat konsenzual, ndërsa opozita shqiptare ende nuk ka bërë të ditur ndonjë emër të mundshëm. 

Lajme të ngjashme

Back to top button