Avokati Raufi: Deklarata e ministrit për të akuzuarit e Kumanovës, është ofendim
Pas deklaratës të ministrit për Drejtësi të Maqedonisë, Valdet Xhaferi se të akuzuarit për rastin e “Kumanovës” nuk janë keqtrajtuar ka reaguar njëri nga avokatët mbrojtës, Naser Raufi.
“Deklarata e Ministrit për Drejtësi se nuk ka keqtrajtim ndaj te akuzuareve te “lagjes e trimave”, eshte nebulozë dhe ofendim!”, ka shkruar ne fecebook, avokati shqiptar Naser Raufi.
Dje Ministri i Drejtësisë, Valdet Xhaferi, ka theksuar se të arrestuarit e rastit të Kumanovës nuk keqtrajtohen në paraburgim.
Siç tha ai ka kontaktuar direkt me të gjithë udhëheqësit e burgjeve në Shkup, Prilep dhe Manastir, gjithashtu ka kontaktuar edhe avokatët mbrojtës të të akuzuarve, por sipas të tij, të gjitha palët kanë konfirmuar lajmin se këta të paraburgosur nuk janë malltretuar në paraburgim.