Kjo është përgjigja e NATO-s për sulmet në Turqi

Turqia është duke u përballur me një kaos të madh për shkak se ushtria po e kërkon rrëzimin e pushtetit. Që nga orët e mbrëmjes ka pasur zhvillime të ndryshme në mesin e të cilave me e rënda është vrasja e 17 policëve.

Sekretari i Përgjithshëm i NATO-s, Stoltenberg ka thënë se ka zhvilluar një bisedë me ministrin e jashtëm të Turqisë.

“Apeloj për qetësi, maturi dhe respekt të plotë për institucionet demokratike dhe kushtetutën e “Turqisë”, ka shkruar Stoltenberg në llogarinë e tij në Twitter.

NATO e ka dhënë fjalën e saj të fundit, shkruan NBCnews, trasmeton lajmi.net.

“NATO nuk do të ndërhyjë në punët e brendshme të Turqisë. Ajo është një organizatë e ndërtuar për të mbrojtur anëtarët e saj kundër agresionit nga armiqtë jashtë territorit kombëtar,” tha Michael Werz, një bashkëpunëtor i lartë në Qendrën për Progres Amerikan i cili fokusohet pjesërisht në çështjet e sigurisë në Turqi.

Turqia u anëtarësua në NATO në vitin 1952. Si një anëtare, Turqia është e mbrojtur sipas nenit 5 të paktit në të cilën vendet anëtare bien dakord se një sulm i armatosur kundër një apo më shumë prej tyre do të konsiderohet si sulm kundër të gjitha.

Rrjedhimisht të gjithë anëtarët janë dakord se, në qoftë se një sulm i tillë ndodh, secili prej tyre do të ndihmojë.

Por kjo nuk do të thotë se vendet anëtare të NATO-s janë të detyruara për t’iu përgjigjur ose të ndërhyjnë në një grusht shteti./lajmi.net

Lajme të ngjashme

Leave a Reply

Your email address will not be published. Required fields are marked *

Back to top button