Pranga biznesmenit, pagoi 120 mijë euro për të ekzekutuar rivalin
Policia e Tiranës ka arrestuar një biznesmen të hidrokarbureve ditën e sotme, i cili akuzohet se ka paguar vrasësin me pagesë që të ekzekutojë rivalin e tij. Policia ka bërë të ditur se në pranga ka rënë Ilir Karçini, i cili kishte paguar 120 mijë euro për vrasjen biznesmenit rival në tregtinë e gazit, i cili duket se i ishte bërë pengesë.
Fatmirësisht vrasja u parandalua me arrestimin nga blutë e Tiranës të Julian Sinanit, i cili ka rrëfyer në polici se atentatin ndaj biznesmenit të karburanteve ishte planifikua për më datë 25 janar 2014, ditë kur Sinanaj u arrestua.
Me një vendim gjykate, policia bëri të mundur prangosjen e biznesmenit në zonën e Komunës së Parisit, në kryeqytet. Arrestimi u krye pas dëshmisë së vrasësit me pagesë Julian Sinanaj në polici, i cili deklaroi se kishte marrë para për të vrarë një biznesmen në fushën e hidrokarbureve, transmeton Shekulli.
Tri ditë më parë kreu i Policisë së Tiranës Ardian Çipa bëri me dije se policia mundi të parandalonte vrasjen e një biznesmeni të hidrokarbureve, emri i të cilit nuk u bë publik, një vrasje kjo e porositur e cila ishte marrë përsipër të kryhej nga Juljan Sinanaj , Marion Mitro dhe N.GJ. Ky i fundit është dhe personi i penduar i bandës që bashkëpunoi me Prokurorinë dhe zbardhi gjithë zinxhirin e vrasjeve me pagesë dhe shpërthimeve me tritol.
