Fatos Nano lë Vjenën dhe kthehet në një vilë luksoze në Tiranë

Prej katërmuajsh çifti Fatos dhe Xhoana Nano janë kthyer në Tiranë, duke nisur një jetë të re në vilën e tyre të sapopërfunduar në mjediset e një kompleksi luksoz që ndodhet në juglindje të kryeqytetit, në zonën e Petrelës.

Sipas burimeve të gazetës Panorama, në Tiranë komshinjtë e rinj të çiftit Nano janë biznesmeni Zamir Mane dhe Aleksandër Frangaj, ndërkohë që thuhet se në këtë zonë kanë investuar paratë e tyre edhe politikanë dhe biznesmenë të tjerë.

Pas largimit nga skena politike, çifti u zhvendos në Austri, për të bërë jetë mes Tiranës dhe Vjenës deri 3-4 muaj më parë, kur ata u vendosën në vilën e tyre të re, rreth 6 km larg qendrës së Tiranës./Shekulli