Real Madridi nuk është më klubi më i pasur në botë
Sipas Revistës Forbes Real Madridi nuk është më klubi më i pasur në botë. Klubi “Mbretëror”, ishte në krye të listës në tre vitet e fundit, por ai ka humbur primatin, raporton Anadolu Agency (AA).
Sipas hulumtimit të ri, klubi më i pasur sportiv është Dallas Cowboys nga Liga amerikane e futbollit NFL, i cili vitin e kaluar ishte në vendin e dytë. Vlera e “kaubojsave”, është rritur për 12.5 përqind, dhe tani klubi është vlerësuar në 3.6 miliardë euro.
Bazuar në listën Forbes, Reali vlen 3.29 miliardë euro. Klubi i tretë më i pasur në botë është FC Barcelona me 3.19 miliardë euro, ndërsa në top 10-in e parë janë NY Yankees me 3.06 miliardë euro, Manchester United 3 miliardë euro, New England Patriots 2.88 miliardë euro, NY Knicks 2.70 miliardë euro, Washington Redskins 2.57 miliardë, NY Giants 2.52 miliardë euro dhe LA Lakers 2.43 miliardë euro.