Daravelski në liri në Beograd do ta presë vendimin për ekstradim

Dragan Daravelski nuk është në paraburgim për ekstradim, deklaruan për portalin “Novatv” nga Ministria e Drejtësisë së Serbisë. Ai vendimin për ekstradim do ta presë në liri, transmeton Portalb.

Nga Ministria e Serbisë thonë se marrja e vendimeve juridike ende është në rrjedhë dhe kur organet kompetente do të sjellin vendim dhe e njëjta të hyjë në fuqi, atëherë do të dorëzohet edhe te Ministria e Drejtësisë së Serbisë që njëkohësisht edhe të sillet vendim përfundimtar.

Për dallim nga ministria serbe e Drejtësisë, nga Ministria e Drejtësisë së Maqedonisë, tanimë tre ditë nuk u përgjigjen pyetjeve në lidhje me atë se a janë dërguar dokumente nga Shkupi dhe cilat janë kërkesat e organeve gjyqësore ose a kanë dërguar ndonjë ankesë.

Kush është Daravelski?

Pas pesë vjetëve pasi që Maqedonia, Kroacia, Mali i Zi dhe Serbija kanë nënshkruar marrëveshje për ekstradim të shtetasve të tyre, më 23 mars të këtij viti, është burgosur njeriu i cili është konsideruar si kumanovari më i pasur. Ai në 10 vitet e fundit ka gjetur strehim në Beograd, pasi që në Maqedoni ka qenë i dënuar me 7 vjet burg për keqpërdorim të Doganës.

Sipas aktakuzës, Daravelski ka blerë 75 vetura të cilat më vonë i ka donuar, ndërkaq ka dhënë para Bunarxhik, ASHAM, Këshillin Gjyqësor, por edhe për klube dhe të tjerët të afërt me pushtetin, transmeton Portalb.

Megjithatë, Daravelski është humbur nga Maqedonia. Pas një kohe, kuptohet se ai jeton në Beograd të Serbisë. Pas një aksionit të përbashkët mes policisë së Maqedonisë dhe asaj të Serbisë, ai në vitin 2004 është burgosur, por nuk ka qenë e mundur që të bëhet ekstradimi sepse ai tanimë kishte pasaportë serbe. Pasaportat e dyfishta, si mundësi për mënjanimit të mbajtjes së burgut, gjatë kohë kanë qenë të problematizuara në publik.

Në vitet e fundit, pushteti Daravelskit ia ka konfiskuar, banesën luksoze në Shkup dhe shitoren në Kumanovë, me vlerë përafërsisht prej 200.000 euro, për të cilën është sjellë vendim për shitje.

Përveç pronës në emër të tij, atij i janë konfiskuar edhe prona tjera të cilat formalisht kanë qenë të shkruara në emër të personave të tjerë, por shteti ka arritur që t’i çojë në korrelacion me Daravelskin. Ndër to, më i rëndësishëm është malazezi Miodrag Markoviç, vila e të cilit në Vodno kapë vlerën prej 1.4 milionë euro gjithashtu është paralajmëruar se do të shitet. Markoviq, është i dënuar dhe po e mban burgun në Idrizovë për larje parash me vlerë prej 8 milionë euro.

Situata u prit që të ndërrohet në vitin 2011, kur Maqedonia, Kroacia, Mali i Zi dhe Serbia nënshkruajtën marrëveshje për ekstradim, me të cilën është hapur rruga e ekstradimit të shtetasve të tyre. Por, në 5 vitet e fundit, institucionet kompetente thuajse kanë qenë të shurdhuara. Kështu, pas 5 viteve, Daravelski edhe më tej ka jetuar jetë komode në Beograd, edhe pse për të ka pasur fletarrestim ndërkombëtar, transmeton Portalb.

Në vitin 2013, në mediume u paraqit fotografia e tij në koncertin “Depesh Mod” në Beograd, ndërkaq bashkëshortja e tij, Viktorija Xhimrevska në profilin e saj në Facebook, ka publikuar fotografi të bashkëshortit, që janë bërë në njërën ndër foto-studiot më të njohura në Beograd.

Madje, një pjesë e gazetarëve kanë arritur që ta gjejnë vendin e Daravelskit në Beograd, edhe pse askush nuk ka arritur që të kontaktojë me të drejtpërdrejtë. Ai, sipas informacioneve të mediumeve të Maqedonisë, ka jetuar në rrugën “Krunska”, por vetëm disa metra larg tre ambasadave dhe selisë së Partisë Demokratike. Në emër të tij ka qenë edhe një banesë në rrugën “Kral Millan”, e cila ndodhët përballë rezidencës presidenciale të Nikoliqit, ku është presupozuar se ai e ka ndërmarrjen e tij./Portalb