Ritet numri i të sëmurëve nga gripi

Gjithsej 2.090 të sëmurë nga gripi janë regjistruar në Maqedoni nga 20 deri 26 janar të këtij viti, që është për 21.9 përqind më shumë se në periudhën e njëjtë vitin e kaluar ku numri ka qenë 1.715, informojnë nga Instituti për shëndet publik.

Numri i përgjithshëm i të sëmurëve nga gripi nga fillimi i sezonit 2013-2014 është 5.428. Gjatë kësaj periudhe janë regjistruar dy raste të vdekjes të infektuar me virusin e gripit. 

Gjatë javës është regjistruar edhe një rast që ka përfunduar me vdekje, një i moshuar 82 vjeçar për të cilin nga Klinika infektive informojnë se ka qenë i infektuar me virusin AH3N2.

Për dallim nga viti i kaluar është rritur edhe numri i rasteve të paraqitura për 56.2 përqind.

Numër më të madh të të regjistruarve nga virusi shënohen në Kumanovë. Më shumë të sëmurë janë të moshës prej 15 deri 64 vjeç.