Gruevski: Car Dushani është përmendore e ligjshme
Kryeministri Nikolla Gruevski ka komentuar paralajmërimin për rrënimin e përmendores së Car Dushanit dhe 11 përmendoreve të tjera në Urën “Syri”, nga ana e kryetarit të Komunës Qendër Andrej Zhernovski.
Gruevski e ka quajtur spekulim konkluzionin e Revizionit për paligjshmërinë e përmendoreve.
“Janë spekulime. Bëhet fjalë për proces legal, në pajtueshmëri me Ligjin, të cilin e ka sqaruar Ministri i Transportit”, deklaroi Nikolla Gruevski, kryeministër.