Edhe ato pak investime ne Komunën e Çairit po shkatërrohen nga moskujdesi

Elida Zylbeari 09:38, 02-06-2016

Kohë më parë Komuna e Çairit realizoi projektin për rregullimin e rrugës në mes të Teatrit Kombëtar Shqiptar dhe Bit Pazarit e cila për një kohë të shkurtër është shkatërruar nga makinat të cila kalojnë nëpër të.

Shitësit fajësojnë automjetet dhe kualitetin e dobët, pasi që thonë që po të ishte materiali më i fortë do të ishin më të qëndrueshme.

“Ne kemi dyqane këtu dhe çdo ditë jemi këtu, shohim se shi automjetet që kalojnë çdo dit jo vetëm që krijojnë kaos por gjithashtu dëmtojnë rëndë edhe pllakat të cilat tani shpejt janë vendosur”, tha Ridvan G., punonjës në Bit Pazar.

“Makina shkatërrojnë mirëpo edhe kualiteti është i dobët se sado që të kalojnë makina po të ishin pllakat kualitet të lartë, do të qëndronin më gjatë e jo të shkatërrohen pa i mbushur një vjet”, tha Osman I, qytetar.

Nga komuna e Çairit kohë më parë thanë që kjo rrugë sërish do të rregullohet pas rikonstruimit të Bit Pazarit, mirëpo ky projekt ende nuk është askund afër realizimit.