Fundoset një tjetër anije me migrantë në Mesdhe, të paktën 20 të vdekur

Në Detin Mesdhe është përmbytur një anije me migrantë të cilët tentuan që nga Afrika të kalojnë në Itali, ndërsa sipas informacioneve të para, në fundosjen e anijes jetën e kanë humbur mes 20-30 persona, raporton Anadolu Agency (AA).

Agjencia italiane e lajmeve ANSA raportoi se fatkeqësia ndodhi në kanalin siçilian, 35 milje nga brigjet libiane kur anija me rreth 100 migrantë u përmbyt në det.

Ekipet patrulluese ajore të misionit EUNAVFOR MED vërejtën tragjedinë, ndërsa më pas migrantëve në ndihmë u erdhën ekipet e shpëtimit. Sipas informacioneve të para nga terreni, ekipet e shpëtimit nga deti nxorrën kufomat e rreth 20 dhe 30 migrantëve të vdekur.

Paralelisht me këtë, në portin e qytetit siçilian Messina, me varka janë sjellë 493 migrantë të cilët ekipet e shpëtimit dje i shpëtuan në Detin Mesdhe.

Migrantët, të cilët dje i shpëtoi një anije e flotës britanike Enterprise, kryesisht janë me origjinë nga rajoni sub-saharian.

Lajme të ngjashme

Leave a Reply

Your email address will not be published. Required fields are marked *

Back to top button