Turqi, gjendet kërpudha prej 8 kilogramësh në Bayburt
Në fshatin Çatkisu të Bayburtit, qytet në veriperëndim të Turqisë, u gjet një kërpudhë prej 8 kilogramësh në një zonë malore, raporton Anadolu Agency (AA).
Tregtari Faik Kilic (55), po e shfaq në vendin e tij të punës në Rrugën Cumhuriyet kërpudhën që u gjet nga vëllai i tij, Koksal Kilic.
Në deklaratën për gazetarin e AA-së, Kilic tha se përderisa ishin duke ndenjur me fqinjët në kafenenë e fshatit, vëllai i tij kishte rrëfyer se në zonën malore të quajtur “Kusbasi” kishte vërejtur një gjë të bardhë e të madhe.
Kilic tha se “Disa nga fshatarët thonin se është gur, e disa kërpudhë. Vëllai im vazhdimisht shkon për të mbledhur kërpudha. E kishte kuptuar se gjëja të cilën e kanë parë është kërpudhë”, duke shtuar se kërpudha peshon 8 kilogramë.
Duke treguar se dyshojnë që kërpudha mund të jetë helmuese, Kilic u shpreh se “Do t’ua tregojmë kërpudhën Drejtorisë së Qytetit për Ushqim, Bujqësi dhe Blegtori, sepse duam të mësojmë nëse është e ngrënshme apo jo”.
Kilic gjithashtu shtoi se ata që vijnë për ta parë kërpudhën, shkrepin fotografi dhe i ndajnë me miqtë.