Shqipëri afrikane në diferencat gjinore

Instituti i Statistikave ka publikuar sot të dhënat për diferencat gjinore në Shqipëri. Në botimin “Femrat dhe meshkujt në Shqipëri 2013”, thuhet se, në Shqipëri dominojnë meshkujt pasi janë më të kualifikuar për të gjetur një punë. Sipas të dhënave, niveli i punësimit të femrave është 49.5%, kurse për meshkujt në 63.2%.

Përveç kësaj, femrat shpenzojnë 7 herë më shumë kohë në punë të papaguara se sa meshkujt. Sipas raportit të INSTAT, pjesa më e madhe e femrave janë të punësuara në sektorin e bujqësisë.

Kjo do të thotë se të ardhurat për femrat janë shumë herë më të pakta se sa të ardhurat e meshkujve. Por këtë pjesë INSTAT nuk e merr ende në shqyrtim këtë aspekt.

Sipas të dhënave zyrtare të BE-së, mesatarisht femrat kanë 16% më pak të ardhura se sa meshkujt për orë pune. Vendi që ka barazinë më të madhe në këtë pikë është Sllovenia, ku femrat fitojnë vetëm 2% më pak se meshkujt.

Sa i përket dhunës, raporti i Institutit të Statistikave thekson se 59.4% e grave kanë raportuar se, kanë përjetuar dhunë në familje. Pra duket theksuar fjalë kanë “raportuar”, që do të thotë se këtu nuk përfshihet ajo pjesë që nuk e ka bërë të ditur dhunën e ushtruar.

Në këtë pikë jemi gati sa trefishi i përqindjes në Bashkimin Evropian. Sipas raportit të vitit 2013 për dhunën, 20% deri në 25% e grave dhe vajzave janë përballur me dhunë fizike të paktën një herë në jetën e tyre.

E vetmja pikë pozitive për femrat, është se ato kanë jetëgjatësi më të madhe se meshkujt./ Shekulli