Maqedoni, zgjedhje pa zgjedhje: VMRO-DPMNE sfidon veten

A janë të mundura Zgjedhjet pa përzgjedhje? Nga partia në pushtet VMRO-DPMNE, thonë që nuk bëhet fjalë për një parti, por për koalicion prej 20 partive dhe se ajo është dëshmi për pluralizmit partiak. Në rrethet e ekspertëve thonë që kjo përgjigje do të kishte rëndësi të madhe, vetëm nëse në zgjedhje do të merrnin pjesë me lista të hapura, ku do të votoheshte për individë dhe jo për parti/koalicion. Por, në këtë rast kjo nuk është ashtu, shkruan DW në gjuhën maqedonase, transmeton Portalb.

“Në krahasim me praktikën evropiane në ciklet zgjedhore në sistemet demokratike nuk e kam të njohur një situatë ku ka marrë pjesë vetëm një parti politike ose koalicion”, thotë Marko Troshanovski, nga Instituti për Demokraci “Societas Civilis”:

“E drejtë kushtetuese është për marrje pjesë apo jo në zgjedhje, megjithatë, kur arsyeja e mosmarrjes pjesë është e ndarë nga shumica partitë për mospasjen e kushteve për zgjedhje fer dhe demokratike, vendimi që të mos merret pjesë në asi zgjedhje është morale dhe politike, jo juridike. Procesi i legjitimimit në bazë është problematik, dhe jo pjesëmarrja në zgjedhje e vetëm një partisë ose koalicionit. Plotësisht, të kishim pasur lista të hapura, ku do të votoheshte për individë dhe jo për parti, argumenti se ekziston zgjedhje (mes anëtarëve të koalicionit) do të ishte më i fortë. Kështu zgjedhja është fiksuar në listën e përcaktuar dhe faktikisht nuk ka zgjedhje. Nuk ekziston. Ju nuk zgjedhni se deputeti i parë apo i treti do të zgjidhet, por zgjedhni për listën në përgjithësi si një zgjedhje e vetme”, shpjegon Troshanovski, përcjellë Portalb.

Në publik zotëron pakënaqësi e madhe në lidhje me indiferencën e kryeparlamentarit, Trajko Veljanovski i cili është i falur nga presidenti Gjorge Ivanov, emër i cili gjithashtu ndodhet në listën e kandidatëve të VMRO – DPMNE-së, në pozitën e dytë në njësinë zgjedhore numër 2.

“Nëse kjo është antikushtetuese, a është kushtetuese që veljanovski si kryetar i Kuvendit të udhëheqë delegacion zyrtar në audiencë te Papa në Vatikan?”, është pyetja për të cilën nga VMRO-DPMNE refuzojnë të japin përgjigje.

Përpara udhëtimit të tij për në Romë, nga kabineti i Veljanovskit edhe njëherë e konfirmuan qëndrimin se nuk ka mundësi kushtetuese që përsëri të thirret Kuvendi.

Pasoja të mëdha

Është e pasigurt se a do të ndërrohet qëndrimi pas kthimit të Veljanovskit, ndërkaq në bazë të argumenteve të KSHZ-së, po edhe pas paralajmërimeve të bashkësisë ndërkombëtare, zgjedhjet në të cilat merr pjesë vetëm një anë, gjegjësisht vetëm partia në pushtet VMRO-DPMNE, nuk do të jenë të pranuara. Nëse Veljanovski prej nesër e thirr Kuvendin, sipas ekspertëve, pasojat për sistemin juridiko-kushtetuese do të jenë shumë të mëdha, transmeton Portalb.

“Mbajtja  e zgjedhjeve në të cilën merr pjesë vetëm një koalicion e cila është e udhëhequr nga një parti dominonte, do të paraqiste pezullim të plotë të sistemit juridiko-kushtetues të shtetit”, vlerëson Voisllav Stojanovski nga Komiteti i Helsinkit të Maqedonisë.

“Zgjedhjet e tilla  do të nënkuptonin ndarje, tjetërsim dhe transferim të sovranitetit të qytetarëve që më pas ai plotësisht do t’i përket një koalicionit politik (kundër nenit 1 dhe 2 nga Kushtetuta). Kjo do të thotë, shkelje me vetëdije të njërës nga themelet e vlerave të Kushtetutës – pluralizmit politik (neni 8 nga Kushtetuta(. Këto zgjedhje nuk do ta plotësonin as kushtin e shumicës as atë të fshehjes (kundër nenit 22 dhe 62 të Kushtetutës), duke e pasur parasysh që në to nuk do të marrin pjesë shumica e votuesve, ndërkaq ato që do të vendosin që të votojnë nuk do t’u mundësohet fshehja e votës së tyre”, thotë Stojanovski.

Ai rikujton se në nivel global, mbajtja e zgjedhjeve vetëm me një parti ose vetëm me një koalicion është bërë në të kaluarën në një numër të vogël të shteteve komuniste.  /Portalb

Lajme të ngjashme

Leave a Reply

Your email address will not be published. Required fields are marked *

Back to top button