“Europa është shumë e vogël për talentët tanë të mëdhenj”
Presidenti i vendit, Hashim Thaçi e ka shfrytëzuar rrjetin social Facebook për t’i uruar të gjithë për pranimin e Kosovës në FIFA.
Ai ka thënë se Europa është shumë e vogël për talentët e mëdhenjt që ka Kosova, duke falënderuar të gjithë ata që kontribuan në anëtarësimin e vendit në shtëpinë më të madhe të futbollit në botë, njofton Klan Kosova.
Europa është shumë e vogël për talentët tanë të mëdhenj.
Anëtarësimi sot në FIFA, përfundimisht krijon një terren të ri për promovimin e futbollit kosovar në garat botërore. Gjatë izolimit 25 vjeçar, ne iu kemi dhënë shumë talentë kombëtareve dhe ekipeve botërore. Nga sot, ata e kanë vendin në kombëtaren e Kosovës.
Jam mirënjohës për të gjithë që punuan për anëtarësimin e Kosovës në FIFA.
Ishte një rrugëtim i gjatë i ndërkombëtarizimit të sportit kosovar. E filluam me pingpong dhe e përfunduam sot në FIFA.
Të bashkuar duhet të luftojmë për betejën e radhës, për fitoren e radhës, për ditën historike të radhës për Kosovës. Gëzuar! HTH
Europe is too small for our great talents.