Kadri Veseli: Bota do të shijojë futbollin e talenteve të Kosovës
Pas pranimit të Kosovës në FIFA, i menjëhershëm ka qenë reagimi i kryetarit të Kuvendit të Kosovës, Kadri Veseli.
Në një postim në rrjetin social Facebook, Veseli ka shkruar se bota do të shijojë futbollin e talenteve të Kosovës.
“Kosova sapo arriti një fitore të re të madhe në fushën e sportit, duke u anëtarësuar në FIFA. Ky ishte një hap i rëndësishëm përpara në konsolidimin e mëtutjeshëm të imazhit dhe pozitës së Republikës së Kosovës në arenën ndërkombëtare. Shumë shpejtë, mbarë bota, do ta shijoj futbollin e talentëve të panumërta të rinisë sonë”, ka shkruar Veseli në Facebook.